جارنا صديق.. قصة مواطن سوداني وفي حفظ مقتنيات أصحاب الحي في منزلهمنصة السودان
متابعة – منصة السودان –
قصص كثيرة وحكايات مثيرة عايشها السودانيين خلال العامين الماضيين بعد أن خرج مئات الأسر بدون ترتيب وحفظ أو حمل ممتلكاتهم في صباح يوم 15 ابريل المشؤوم ، حيث غادر كثير من المواطنين منازلهم تاركين خلفهم مقتنياتهم وعفشهم
منصة السودان وجدت احدى القصص عن وفاء مواطن يدعي صديق حفظ ممتلكات جيرانه وسلمها لهم بعد عودتهم .. اليكم القصة..
صدق القال الجار قبل الدار
تابع معاي قصة صديق شعبية صديق جار خالنا كمال في الدروشاب الصديق ده ماطلع نهائي قاعد في الدروشاب عامل نظام حماية لكل بيوت الجيران فاتح الحيط بين جار وجار عشان يقدر يدخل ويتفقد بيوت الجيران كل يوم المهم لقيتو حافظ لكل الجيران ممتلكاتهم أنابيب غاز وشاشات وغسلات وثلاجات حتي الافران والخلاط وعدة المطابخ وكل عفش بيت كاتب عليهو اسم رب الاسرة لمن قعدنا نتونس قولت لي الحاجة القدمتها لجيرانك حاجة عظيمة شديد قعد اضحك قال لي عملتها لوجة الله وعشرتي مع جيراني بتخليني اعمل ليهم اكتر من كده حقيقي ياصديق اسم علي مسمى صادق امين هميم كريم ده نموذج مشرف لكل سوداني ونفتخر بيك شديد العملتوا ده ادخل في قلوبنا السرور وكل يوم بناخد درس انو البلد فيها خير وخير شديد جزاك عند الله الجنة سؤال للجميع هل عندك جار زي صديق ؟؟؟
اهم شي الجار قبل الدار شكرا صديق شعبية.
