أصابتني بالمرض النفسي.. حسام حبيب: لم أحلق شعر شيرين وعلاقتنا دمرتني

أزاح الفنان المصري حسام حبيب الستار عن حقيقة العديد من المواقف الجدلية التي تعرض لها خلال ارتباطه بالمطربة شرين عبدالوهاب.

وكشف خلال استضافته في برنامج العرافة مع الإعلامية بسمة وهبة، عن معاناته النفسية بسبب شرين، وقال «شيرين جابتلي المرض لما بقرأ عن أعراض اضطراب الشخصية الحدية بحس إني بقرأ عن نفسي، لما بروح للدكتورة وتقول لي عندك إيه بقولها كل الأعراض وعليهم 2 زيادة».

وعن إمكانية عودته للفنانة المصرية، قال حسام:«المرحلة دي خلاص عدت، ورحلتي مع شيرين انتهت ولا يمكن أرجع لها أبدًا. أنا مكسِبتش حاجة من القصة دي غير الأذى».

كما وجه حسام حبيب رسالة لشيرين خلال الحلقة، قائلاً: «كل مشكلة حصلت كان فيها شهود وأدلة، ردي على كلامي وليكي حق الرد، وأنا بسألها ده حصل إزاي؟ وإمتى؟ وليه؟ وفين؟ وردي بإثبات، لأني معايا إثباتات لكل مشكلة وهَدَافِع عن نفسي».

وردًا على اتهامه بحلق شعر شيرين، قال: «فوجئت في أحد الأيام بأنها مش موجودة في البيت، ولمدة 3 أيام أنا مش عارف هي فين، لحد ما كلمتني وقالت لي تعال، روحت أنا وصديقتنا وصديق لينا على الفندق اللي كانت فيه، وتعاملنا عادي، مفيش حاجة، صديقتي كانت بتقول لي إن صديقي اللي كان ماسك أعمالها بيكرهني وبيسخنها عليا ويقول لها اطلقي منه ومتخليش ليه علاقة بشغلك، شيرين جت وقطعت الكلام، وقالت لي: «أنت جاي تنكد علينا؟ طلقني لو كنت راجل»، وشتمتني قدام صحابنا، الموضوع كبر، فقلت لها: «هطلقك، البسي وتعالي هطلقك»، وسبتني ودخلت الحمام قولت هي بتلبس، فوجئت إنها حلقت شعرها».

وأضاف: «أنا مكنتش بتكلم مش عشان ضعيف أو قليل الحيلة أو معنديش رد، لكن حفاظًا على العِشرة والأيام اللي عشناها مع بعض، دي عندي بالدنيا، وكنت مصمم لآخر نفس أحافظ عليها، لكن الناس مش عايزاني أعدي، أسكت يقولوا معندوش حاجة يقولها، أضحك يقولوا مستفز، أقول نحكم ربنا يقولوا أنت جاي تتكلم بالدين، طب إيه المطلوب مني؟ أنا مكسِبتش حاجة من القصة دي غير الأذى وعلاقتي بشيرين دمرتني ودمرت أهلي وكل اللي حواليا».

وأضاف: «كنت بسألها كل يوم ليه أنا؟ وكانت بتقول لي عشان بحبك وإنت الوحيد اللي تستحملني، قلت لها أنا هاخد الجزء الحلو منه بس، لكن هل ده مبرر؟».

​https://www.okaz.com.sa/